எதிர்க்கட்சி எம்.பி.க்கள் உடனடி பாதுகாப்பை வழங்குமாறு கோரிக்கை விடுத்த போதிலும், எம்.பி.க்களுக்கு பாதுகாப்பு வழங்குவது குறித்து அரசாங்கம் பொதுவான முடிவை எடுக்கவில்லை என்று பொது பாதுகாப்பு அமைச்சர் ஆனந்த விஜேபால கொழும்பு ஊடகமொன்றிடம் தெரிவித்தார்.
எந்தவொரு எம்.பி.க்கும் பாதுகாப்பு வழங்கப்பட்டால், அதைச் செய்வதற்கு முன்பு அவரது உயிருக்கு ஏதேனும் அச்சுறுத்தல் உள்ளதா என்பதை விசாரிப்பது அவசியம் என்றும் அவர் கூறினார்.
எம்.பி.க்களுக்கு பெரிய அச்சுறுத்தல் எதுவும் இல்லை
இருப்பினும், நாட்டில் எம்.பி.க்களுக்கு பெரிய அச்சுறுத்தல் எதுவும் இல்லை என்றும், அத்தகைய அச்சுறுத்தல் இருந்தால், அவர்கள் சில குழுக்களுடன் ஒப்பந்தங்களைக் கொண்டுள்ளனர் என்றும் அமைச்சர் குறிப்பிட்டார்.
சாணக்கியன் போன்ற எம்.பி.க்களின் உயிருக்கு அச்சுறுத்தல்
இருப்பினும்,சாணக்கியன் இராசமாணிக்கம் போன்ற எம்.பி.க்களின் உயிருக்கு அச்சுறுத்தல் இருப்பது தெரியவந்ததால், அவர்களுக்கு ஏற்கனவே தேவையான பாதுகாப்பு வழங்கப்பட்டுள்ளதாக அமைச்சர் ஆனந்த விஜேபால மேலும் தெரிவித்தார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...!
